Reitübung 22.01.2017

Äs chlyses Grüppli vo 5 Rytende hend sich nach de GV bi s’Künzis troffe. Bevor mer bi dere Chelti definitiv losgritte sind, hett mär gärn es Kaffi gno. De Wäg het euis a d’Rüss abegfüert. In Mühlau simer über Brugg und den Trabe, Trabe, Trabe richtig Obfälde. De Wäg isch guet gsy und ufem gforene aber griffige Schnee het mer guete halt ka. Vor dr Rüssbrugg in Obfälde isch mer scho fasch is schwitze cho, het mer doch fasch zviel Schichte Chleider treit. Bi s’Hottingers simer scho empfange worde. Für d’Ross hets Deckene und Halfter parat ka und mer het si Tip Top chöne abinde. I de warme Stube si mir fürstlech bedient worde. Das feine Blättli und de Wyswy het euis s’höckle nid schwer gmacht…

Danke em Chrigel für die glungeni Route und a de Familie Hottinger für de feini Apéro….

Roman Künzi